Badımcan dolması

Порций:   Время приготовления: 2 saat

Badımcan dolması adəti üzrə hər bölgəmizdə özünəməxsus tərzdə hazırlanır. Hətta dünyanın müxtəlif ölkələrində badımcan dolmasına bənzər yeməklər hazırlanır. Bizim üçünsə ən ləzzətlisi təbii ki, öz dolmamızdır. Bu dolmanın bir adı da üç bacı dolmasıdır.
Keçək hazırlanmasına.

Bizə lazım olacaq ərzaqlar bunlardır:

  • 1 kq mal və ya qoyun əti
  • 3 baş soğan
  • 1 x/q kərə yağı
  • 100 qr yumuru düyü
  • 10 ədəd badımcan
  • 10 ədəd yaşıl bibər
  • 10 ədəd pomidor
  • duz, istiot

Hazırlama prosesi:

Öncə ət və soğan ətçəkən maşında çəkilib, qovrulur. Sonra içərisinə düyü əlavə olunur.

Pomidorun içərisi səliqə ilə kəsilib, çıxarılır və qarışıma əlavə olunur. Üzərinə duz, istiot hətta züvqə görə xırda doğranmış reyhan da səpilir. badımcanlar suda qaynadıldıqdan sonra, yağda qızardılır.

Bibərlərin içərisi təmizlənir. Hər üç inqredientin içərisinə duz, istiot və sarıkök sürtülür. Bu qarışım dolmamıza xüsusi ləzzət qatır.

Artıq qovrulmuş ətin üzərinə kərə yağı da əlavə edib, tərəvəzlərin içərisinə doldururuq.

Səliqə ilə qazana düzürük. Üzərinə 100-150 ml su töküb dolmamızı ocağın üzərində bişiririk.

Budur dolmamız hazırdır.

Badımcan dolmasını sarmısaqlı qatıqla süfrəyə vermək olar. Həmçinin bu dolmanı sobada da bişirə bilərsiniz NUŞ OLSUN! Resept üçün Lamiyə xanıma təşəkkürlər.


dolma dolma dolmadolma   dolmadolma
Метки записи:
Оставьте комментарий к этой записи ↓

Войти, чтобы оставить комментарий